Wezîrê Karên Hindir Alî Yelîkaya, li ser hîsaba xwe ya medyaya civakî bang li xwepêşandarên ku ji bo tehqîqata teror û bêrêtîya li djiî Şaredarîya Bajarê Mezin ê Stenbolê ve hatîye destpêkirin banga derketina kolanan dikin kir û weha got, “Bangkirina gelan a ji kolan û meydanan re bi herî gotina sivik ‘bêmesulîyetî’ ye. Tu kes nikare obala tevlîhevkirina kolanan; çi bi sîyasî, çi bi hiqûqî, çi jî bi wijdanî bide. Ez bang li xwepêşandaran dikim, xwe nedin ber bayê provokotorên ku ketine nav we. Polêsên me, ji bo temînkirina ewlehî û hizûra gelê me yê ezîz 7/24 li ser wezîfeya xwe ye.”
Wezîrê Karên Hindir Alî Yelîkaya, destnîşan kir ku di xwepêşandanên neqanûnîyan de 6 polês birîndar bûne.
Yetlîkaya weha berdewam kir, “Di xwepêşandanên ku li Saraçhaneya Stenbolê hatine lidarxistin de vê êvarê 6 polêsên me birîndar bûn. Polêsên me yên qehreman ên ku temînata hizûr û ewlehîya welatê me ne; ji provokasyonan re bi feraset û sebrekî mezin disekinin û di warê meşandina bûyerên civakî de sekineke mînak nîşan dide. Walîyê me, Midûrê Ewlehîya me û polêsên me ji bo wezîfeyên xwe yên hizûr û ewlehîya gelê me li ser wezîfeyên xwe ne û ew ê wisabin jî. Ji polêsên me yên birîndar bûne re daxwazîyên xwe yên derbasîbe pêşkêşî dikim.”
