Serokkomar Recep Tayyîp Erdogan, li Navenda Kongreya Halîçê di “Bernameya Fitara 8ê Adara Roja Pîrekan a Dinyayê” de peyivî.
Di rojeva Erdogan de kûçikên beredayî hebûn. Erdogan ji bo bebika 2 salî ya bi navê Rana ku li Konyayê ji teref êrîşên kûçikên beredayî jiyana xwe ji dest xistibû sersaxî xwest û gotinên xwe wisa domand:
“Nayê qebûlkirin ku van bûyerên bi vî rengî di Tirkîyeyê sala 2025an de biqewime. Mixabin muxalefet hê jî li dijî qanûnê disekine. Ji bo ku ber van bûyeran bê girtin divê çi hewce be bê kirin.”
Erdogan di axaftina xwe ya ku di “Bernameya Fitara 8ê Adara Roja Pîrekan a Dinyayê” kir de wiha peyivî, “Li gor nirxên me yên bawerî û kevneşopî pîrek, bingeha malbatê û civakê ye. Em çiqasî dîroka xwe binêrin emê bibînin ku di cihên girîng de jin hene. Pîrek bi helwêstên xwe yên zîrek di rojên dijwar de, bi zarokên wêrek û mêrxas ên ku mezin dikin û bi keda xwe ya bêhempa di şaristaniya me de, bûne temînata hizûra malên me, aştiya welatê me û yekitiya endamên milletê me.”
