Qeza, bi şev li ser çarrêya Entabê ya Rêbeja Tersûs-Edene-Entabê (TAG) li nêzî qereqolên Nurdagî pêk hat.
Li gor agahîyên ku hatine bidestxistin otobusa rêwîyan a bi plaqeya 34 CGS 112 ku ber bi Entabê ve diçû, qamyona bi plaqeya 33 F 2727 a bi maddeyên tekstîlê barkirîbû û wesayîta bi plaqeya 21 GC 721 qeza kir.
Di encama qezaya ku pêk hat de qamyon û wesayît şewitîn. Şewata ku ji ber pêketina madeyên tekstîlê mezin bû, bi temamî bi wesayîtan ket.
Li ser xeberdayînê gelek ekîbên tenduristiyê, îtfaîyeyê û ewlehîyê sewqî cihê bûyerê hatin kirin. Dema 44 rêwîyên otobusê hatin tehliyekirin, ekîbên îtfaîyeyê mudaxeleyî wesayîtên şewitî kirin.
Şewat piştî xebata ekîban bi qasî 2 saetan hat kontrolkirin û hat vemirandin. Lêbelê, qamyon û wesayît bûn wek xwelîyê.
Ekîbên tenduristiyê li cihê bûyerê 20 kesên birîndar derman kirin. Ji birîndarên ku rakirin nexweşxaneyê xebatkarê otobusê V.F. canê xwe ji dest da. Hate hînbûn ku ji 19 birîndarên ku tedawiya wan didome yek jê giran e.
Tehqîqata li ser qezayê dewam dike.