Di daxuyaniya wezaretê de hat gotin ku Rûsya bûyerên li Sûriyeyê “bi fikariyeke mezin teqîq dike”.
Di daxuyaniyê de wilo hat gotin, “Di encama hevdîtinên di navbera Beşar Esed û hin beşdarên şerê çekdarî de li ser xaka Komara Erebî ya Sûriyê, wî biryar da ku dest ji erka serokomariyê berde, amaje bi wê yekê kir ku veguhestina desthilatê bi awayekî aştiyane were kirin û welat terikand.
Di heman demê de em bang li hemû aliyên pêwendîdar dikin ku dev ji bikaranîna şîddetê berdin û bangek qanih bikin ku hemû pirsgirêkên rêveberiyê bi rêyên siyasî çareser bikin. Em banga rêzgirtinê ji bo nêrînên hemû hêzên etnîkî û dînî di civaka Sûriyê de dikin û piştgiriya hewlên avakirina pêvajoyeke siyasî ya berfireh li ser bingeha biryara 2254 ya Encûmena Ewlekariyê ya Neteweyên Yekbûyî dikin.”