Tîma Neteweyî ya Judoyê dema ku hilkişîya herêma Sultan Sekisi ya Çîyayê Palandokenê ku li kampê û meşê diçû, rastî aşîtê hat.
4 werzişkar di bin berfê de man, 3 kesan bi xebatên xwe xwe xelas kirin, lê werzîşvanê judoyê yê neteweyî Emre Yazgan ê 16 salî ji ber stûyê xwe şikest rewşa wî giran bû.
Walîyê Erziromê Mustafa Çîftçî ragihand ku werzîşvanên neteweyî ji tu meqaman îzîn nestandine û cîhê ku hilkişîyane jî derveyê herêma ku mirovan li wê derê xwe kaş dikin e.
Şaredarê Bajarê Mezin ê Erziromê Mehmet Sekmen piştî aşîtê ji kanaleke televîzyonê re daxuyanî da û got, "Em her tim tedbîran digirin. Ji ber ku li derveyî qada me ya berpirsyarîyê ye, tiştekî ku em bikin tine. Agahîya ku ji me re hatîye dayîn 14 kes çûne meşê, 5 kes di bin aşîtê de dimînin. Rewşa birîndaran baş in lê rewşa birîndarekî giran e. Niha rîskekî aşîtê tineye.”
