Serokê HAMASê Henîyye hat şehîdkirin

Di daxuyaniya Artêşa Muhafizên Şoreşa Îranê de hat ragihandin ku Serokê Biroya Siyasî ya HAMASê Îsmaîl Henîyye li Tehrana paytexta Îranê şehîd bûye.

Di daxuyaniyê de hat diyarkirin ku Henîyye û parêzvanê li mala ku lê diman hatin qetilkirin.

HAMASê jî bi daxuyaniyekê li ser hesabê xwe yê Telegramê şehadeta Henîyye piştrast kir.

Di daxuyanîyê de weha aht gotin:

“Henîyye li Tehranê di encama êrîşa siyonîstan de şehîd bû.”

Di çapemeniya Îranê de hat destnîşankirin ku dê hûrgiliyên bûyerê piştre bên ragihandin.

Henîyye doh beşdarî merasima sondxwarina Serokkomarê nû yê Îranê Mesûd Pezeşkiyan bû û bi Rêberê Înqilaba Îslamî ya Îranê ayetullah Seyîd Elî Xemaneyî re hevdîtin kir.