Li Îtalyayê balkon hilweşîya: 2 mirî, 13 birîndar

Rayedaran destnîşan kirin ku bûyer li bajaroka Scampiaya nêzê Napolîyê pêk hatîye.

Walîyê Napolîyê Michele di Bari derheqê bûyerê de agahî da û di agahîya xwe de diyar kir ku di bûyerê de 2 kesan canê xwe ji dest dane ji wan yek zilamekî 29 salî yê dinê jî pîrekek 35 salî ye, bi tevî 7 zarokên ku di navbrea 2-8 salî de ne tev de 13 kes jî birîndar bûn.

Hat îfadekirin ku derheqê bûyerê de tehqîqat hatîye destpêkirin û bi tevî 300 zarokan tev de 800 kes jî ji avahîyê hatine tehlîyekirin.

Li gorî çavkanîyên herêmî li herêma ku bûyerên sûcê gelek zêdeye berê jî di hinek avahîyan de xesar pêk hatine û ew herêm ji bona ku ji nû ve bê avakirin ji teref dewletê ve herêma vegerînê hatîye îlankirin.